Daşkəsənli güləşçi Səfər Məmiyev Respublika Turnirində 3-cü yerə layiq görülüb
Daşkəsən şəhər Uşaq-Gənclər İdman-Şahmat Məktəbinin yetirməsi 2006-cı il təvəllüdlü Məmiyev Səfər Şakir oğlu növbəti qələbəsi ilə bizləri sevindirib. Belə ki, o, dekabrın 1-də Sumqayıt şəhərində keçirilən Vətən müharibəsində şəhid olmuş İmran Əliyev və Ayxan Musayevin əziz xatirəsinə həsr olunmuş Yunan-Roma güləşi üzrə Açıq Respublika Turnirində 63 kq çəki dərəcəsində iştirak edərək 3-cü yerə layiq görülüb.
Qeyd edək ki, S.Məmiyev hazırda Bakı Dövlət Universitetinin nəzdində İqtisadiyyat və Humanitar Kollecinin 3-cü kursunda təhsil alır. S.Məmiyev Daşkəsən Uşaq-Gənclər İdman-Şahmat Məktəbinin məşqçi müəllimi Zaur Həsənovun və hazırda Əməkdar məşqçi, idman ustası Aydın Süleymanovun tələbəsidir.
İdmançımızı ürəkdən təbrik edir, ona yeni-yeni qələbələr arzulayırıq!
