Daşkəsəndə “Yaşıl dünya naminə həmrəylik ili” çərçivəsində Ulu Öndər Heydər Əliyevin anadan olmasının 101-ci ildönümünə həsr edilmiş ağacəkmə aksiyası keçirilib
Mayın 10-da Daşkəsən Rayon İcra Hakimiyyətinin təşkilatçılığı ilə müstəqil Azərbaycanın memarı və qurucusu, Ümummilli Lider Heydər Əliyevin anadan olmasının 101-ci ildönümü, eləcə də “Yaşıl dünya naminə həmrəylik ili” çərçivəsində Daşkəsən şəhərinin ərazisində ağacəkmə aksiyası keçirilib.
Aksiyada Daşkəsən Rayon İcra Hakimiyyəti başçısının vəzifə səlahiyyətlərini müvəqqəti icra edən Vüqar Məmmədov, Rayon Polis Şöbəsinin rəisi, polis polkovniki Seymur Əfəndiyev, rayon prokuroru Şahin İmanov, rayon məhkəməsinin sədri Kənan Vəliyev, rayonun idarə, müəssisə və xidmət sahələrinin əməkdaşları, könüllülər və fəallar iştirak ediblər.
Azərbaycan təbiətinin böyük hamisi Ulu Öndər Heydər Əliyevin əziz xatirəsinə həsr olunmuş yaşıllaşdırma aksiyası çərçivəsində yerli iqlimə uyğun ümumilikdə 101 ədəd şam ağacı əkilib, ərazidəki bitkilərə qulluq göstərilib, yaşıllıq zonasında təmizlik işləri aparılıb.
