Daşkəsəndə 1 Noyabr – Kənd Təsərrüfatı işçilərinin peşə bayramı günü qeyd olunub
1 Noyabr – Azərbaycan Respublikasında Kənd Təsərrüfatı işçiləri günü münasibətilə Daşkəsən Rayon İcra Hakimiyyətinin başçısı Orxan Abbasov, Daşkəsən Dövlət Aqrar İnkişaf Mərkəzinin (DAİM) direktoru Vüsal Rzayev, rayonun kənd təsərrüfatı işçiləri və ictimaiyyət nümayəndələri Ulu Öndər Heydər Əliyevin Daşkəsən şəhərinin mərkəzində ucaldılmış abidəsini ziyarət edərək gül dəstələri düzüblər.
Bayram tədbiri Daşkəsən DAİM-də davam etdirilib.
İcra başçısı Orxan Abbasov yığıncaqda çıxış edib, kənd təsərrüfatı işçilərini peşə bayramı münasibətilə təbrik edib, onlara çətin və şərəfli işlərində uğurlar arzulayıb.
Daşkəsən DAİM-in direktoru Vüsal Rzayev və digərləri son illər Daşkəsəndə kənd təsərrüfatı sahəsində görülmüş işlərə və qazanılmış uğurlara görə Prezident cənab İlham Əliyevə minnətdarlıqlarını bildiriblər.
Kənd təsərrüfatı sahəsində səmərəli fəaliyyətinə görə rayonun bir qrup kənd təsərrüfatı işçisi Daşkəsən Rayon İcra Hakimiyyətinin Fəxri Fərmanı ilə təltif edilib.
İcra başçısı Orxan Abbasov Daşkəsən DAİM-də yaradılmış iş şəraiti ilə də tanış olub.
