Daşkəsən məktəbliləri 8 Noyabr - Zəfər Günü münasibətilə keçirilmiş "Zəfər Yarışı"nda iştirak ediblər
Gəncə-Daşkəsən Regional Təhsil İdarəsinin təşkilatçılığı ilə Göygöl rayonunda keçirilən yarışda Gəncə və Naftalan şəhər, Goranboy, Göygöl, Samux və Daşkəsən rayon ümumi təhsil müəssisələrindən şagirdlər komanda şəklində güclərini sınayıblar.
VII-VIII və IX sinif şagirdlərindən ibarət komandalar əvvəlcədən müəyyənləşdirilmiş maneələri keçərək yarışı yekunlaşdırmalı olublar. Maneələri düzgün və daha surətli keçən komandalar müvafiq yerlərə layiq görülüb.
Hakimlər heyətinin qiymətləndirməsinə əsasən Gəncə şəhərini təmsil edən “Zəfər” komandası I yerə, Göygöl rayon Üçtəpə kənd tam orta məktəbin şagirdlərindən ibarət “Zəngilan” komandası II yerə, Daşkəsən rayon məktəblilərindən ibarət olan “Dəmir Yumruq” komandası III yerə layiq görülüb, komandaların üzvləri diplom və medallarla təltif olub.
Məktəblilərimizi təbrik edirik!
