DAŞKƏSƏN RAYON İCRA HAKİMİYYƏTİNİN BAŞÇISI ƏHƏD ABIYEV DƏSTƏFUR KƏNDİNDƏ VƏTƏNDAŞLARIN NÖVBƏTİ SƏYYAR QƏBULUNU KEÇİRİB

Aprelin 17-də Dəstəfur kəndində keçirilən səyyar qəbulda Daşkəsən Rayon İcra Hakimiyyətinin Başçısı Əhəd Abıyev, rayonun hüquq-mühafizə orqanlarının, idarə, müəssisə, təşkilatlarının rəhbərləri və kənd sakinləri iştirak ediblər.
Rayon İcra Hakimiyyətinin Başçısı Əhəd Abıyev səyyar görüşdə ölkəmizdə yeni dövrün tələblərinə uyğun yüksək səviyyədə davam etdirilən sosial-iqtisadi inkişafdan danışıb. Bildirib ki, son illər ərzində ölkə Prezidenti cənab İlham Əliyevin rəhbərliyi ilə bütün sahələrdə aparılan islahatlar davamlı xarakter daşıyır və bu ilin əvvəlindən başlayaraq sosial islahatların əhatə dairəsi daha da genişləndirilmişdir.
“Bu gün Azərbaycan vətəndaşı əmindir ki, aparılan islahatlar, atılan addımlar, qəbul edilən dövlət proqramları yalnız xalqın sosial rifahının yüksəldilməsinə xidmət göstərir”, - deyə rayon rəhbəri çıxışında qeyd edib.  
Daşkəsən rayonunda görülmüş işlər barədə geniş məlumat verən Rayon İcra Hakimiyyətinin  Başçısı  Əhəd Abıyev Dəstəfur kənd  inzibati  ərazi  vahidliyində də xeyli  abadlıq, quruculuq, təmir-bərpa  işlərinin aparıldığını, bütün  potensial imkanlar nəzərə alınmaqla  bir  çox  layihələrin  uğurla  icra  olunduğunu, problemlərin həlli  istiqamətində daim  tədbirlərin görüldüyünü diqqətə çatdırıb.
Daha sonra Rayon İcra Hakimiyyətinin Başçısı sakinlərin müraciətləri dinləyib, qaldırılan məsələlərin həlli məqsədi ilə aidiyyəti üzrə tövsiyə və tapşırıqlarını verib. Müraciətlərin bir qismi yerində müsbət həllini tapıb.
Kənd sakinləri onlara göstərilən diqqət və qayğını yüksək qiymətləndirərək ölkə Prezidenti cənab İlham Əliyevə minnətdarlıqlarını bildiriblər.
Elmar ƏLİYEV
RİHBA-nın İctimai-siyasi və humanitar məsələlər şöbəsinin
müdir müavini – dini qurumlarla işin təşkilatçısı