Daşkəsəndə Ümummilli lider Heydər Əliyevin anadan olmasının 93-cü ildönümü münasibətilə ümumrayon ağacəkmə iməciliyi keçirilmişdir

Daşkəsən Rayon İcra Hakimiyyətinin Başçısı cənab Əhəd Abıyevin Ulu öndər Heydər Əliyevin anadan olmasının 93-cü ildönümünün qeyd edilməsi ilə bağlı imzaladığı sərəncama əsasən rayonda 01-10 may Heydər Əliyev günləri kimi qeyd edilmişdir. Tədbirlər planına uyğun olaraq ümumtəhsil məktəblərində inşa yazı müsabiqələri, bilik və idman yarışları keçirilmiş, mədəni-maarif müəssisələrində, idarə, müəssisə və təşkilatlarda, inzibati ərazi dairəsi üzrə nümayəndəliklərdə dəyirmi masalar, toplantılar təşkil edilmişdir.
May ayının 10-da isə RİHB-nin sərəncamının tələbinə uyğun olaraq rayonun bütün yaşayış məntəqələrində ümumrayon iməciliyi  keçirilmişdir.
Daşkəsən Rayon İcra Hakimiyyətinin YAP Daşkəsən rayon təşkilatı ilə birgə təşkil etdiyi iməciliklərdə ərazilər abadlaşdırılmış, səliqə-səhman yaradılmışdır.
Ağacəkmə iməciliyində Daşkəsən Rayon İcra Hakimiyyətinin Başçısı cənab Əhəd Abıyev ayrı-ayrı ərazilərdə iştirak edərək bir neçə ağac əkmişdir. Görüşlərdə Başçı qeyd etmişdir ki, Ümummilli lider Heydər Əliyevin anadan olmasının  93-cü ildönümü münasibətilə Daşkəsən rayonunda həyata keçirilən  ağacəkmə iməciliyi bu əlamətdar əziz tarixi günə böyük hazırlıq işləri görülərək həyata keçirilir.
Belə ki, ağac əkiləcək yerlər müəyyənləşdirilmiş, tinglərin gətirilməsi, çalaların   qazılması və suvarma işlərinin aparılması barədə aidiyyəti üzrə müvafiq tapşırıqlar verilmişdir. Müxtəlif növ ağacların  əkilməsi əsasən magistral  avtomobil yollarının kənarlarında, qəsəbələrdə  və digər ərazilərdə  nəzərdə tutularaq icra olunmuşdur.
Daşkəsən rayonunda 10 may 2016-cı il tarixdə keçirilən ağacəkmə iməciliyində 1150 ədəd, o cümlədən 500 eldar şamı, 400 gövrüc və 250 digər ağac növləri və əlavə olaraq  bu gün  2000-dən artıq  bəzək və gül kollarının  da  əkilməsinə hazırlıq işləri görülmüşdür.
  Daşkəsən rayonunda ağacəkmə iməciliyində ictimaiyyətin 250 nəfərdən artıq nümayəndələri rayonun müxtəlif ərazilərində və ayrı-ayrılıqda insanlar böyük həvəslə iştirak edirlər.
   Çoxsaylı insanların ağacəkmə iməciliyində iştirak etməsi  rayonda yaşıllaşmanın, ekoloji şəraitin daha da yaxşılaşdırılmasına  müsbət təsir göstərəcəkdir.
  İməciliyin sonunda Rayon İcra Hakimiyyətinin Başçısı cənab Əhəd Abıyev əkilən bu ağaclara daimi qulluq edilməsi və onların qorunması üzrə  aidiyyəti qurumlara  lazımi tapşırıqlar verdi.
Rayonda keçirilən iməcilikdə YAP Daşkəsən rayon təşkilatının bütün üzvləri fəallıqla bu təşəbbüsə qoşulmuşdular.