Daşkəsən rayonunda güclü külək yaşayış binalarına və elektrik təsərrufatına böyük ziyan vurmuşdur

Daşkəsən rayonunda güclü külək yaşayış
binalarına və elektrik təsərrufatına böyük ziyan vurmuşdur

Daşkəsən rayonu ərazisində 19 yanvar 2016-cı il tarixdə saat 22-30 radələrində baş vermiş təbii fəlakət  - 31 m/san sürətlə əsən güclü qarla müşaiyət olunan külək nəticəsində Daşkəsən şəhərinin çoxmərtəbəli yaşayış və inzibati binalarının dam örtüklərinə və rayonun elektrik təsərrüfatına  ziyan dəymişdir.

Əsasən Daşkəsən şəhəri S.Vurğun küçəsində yerləşən 2 mərtəbəli, 12 mənzilli  16 nömrəli yaşayış  binasının  dam örtüyünə olduqca  ciddi ziyan dəymiş, güclü külək həmin binanın dam örtüyünü  tamamilə sıradan çıxarmış, taxta konstruksiyalarla birlikdə  binanın üstündən kənara atmışdır.
       Daşkəsən Rayon İcra Hakimiyyətinin Başçısı cənab Əhəd Abıyevin rəhbərliyi ilə  dərhal rayon Fövqəladə Hallar Komissiyasının üzvləri ilə birlikdə hadisə yerinə baxış keçirilmiş və sakinlərlə görüşmüşdür. Baş vermiş təbii fəlakətin nəticələrinin  tez bir zamanda daxili imkanlar hesabına aradan qaldırılması istiqamətində Rayon İcra Hakimiyyətinin Başçısı öz tapşırıqlarını vermiş, bu barədə aidiyyəti üzrə yuxarı orqanlar qarşısında məsələ qaldırılmışdır.
        Baş vermiş təbii fəlakət nəticəsində xəsarət alan yoxdur.