Əziz Daşkəsənlilər və rayonumuzun qonaqları!
Sizləri Daşkəsən şəhərində keçiriləcək “Aqrar Biznes Festivalı”na dəvət edirik.
Aqrar innovasiyaların təbliği və təşviqi məqsədilə təşkil olunacaq festivalda fermerlərin, kiçik və orta sahibkarların, kənd təsərrüfatı məhsul və avadanlıqlarının istehsalı ilə məşğul olan yerli və xarici şirkətlərin, eləcə də beynəlxalq təşkilatların və dövlət qurumlarının iştirakı ilə müxtəlif innovativ məhsul və avadanlıqlar əyani nümayiş olunacaq.
Festival zamanı fermerlər müxtəlif şirkətlərin təklif etdiyi kənd təsərrüfatı texnikalarının üzərinə yerləşdirilən və uzaqdan idarəedilən GPS texnologiyaları, müasir suvarma sistemləri, kənd təsərrüfatı texnikaları, toxum, gübrə, pestisid nümunələri və iqlimədost texnika və texnologiyalar ilə əyani tanış olub, istifadə qaydaları və texniki göstəriciləri barədə məlumat veriləcək.
Festival 08 avqust 2024-cü il tarixdə Daşkəsən şəhəri Heydər Əliyev meydanında keçiriləcək.
