AZƏRBAYCAN RESPUBLİKASI
DAŞKƏSƏN RAYON
İCRA HAKİMİYYƏTİ

Daşkəsən rayonunda 81 mədəni- maarif müəssisələri fəaliyyət göstərir. 1 incəsənət  məktəbi, 1 Mərkəzləşdirilmiş Kitabxana Sistemi, 1 rayon Mədəniyyət Mərkəzi, 1 Dövlət Rəsmlər Qalereyası, 1 Heydər Əliyev Mərkəzi, 1 Tarix Diyarşünaslıq Muzeyi, 37 kənd, qəsəbə filial kitabxanası, 2 kənd mədəniyyət evi, 31 kənd klubu, 5 qəsəbə klubu, 6 tarix və mədəniyyət abidə mühafizəçisi olmaqla fəaliyyət gösdərir. Həmin mədəni – maarif müəssisələrində 373 nəfər işçi rayon əhalisinə xidmət göstərir.
Daşkəsən rayon 7 illik uşaq İncəsənət məktəbi 1961-ci ildə musiqi məktəbi kimi, 1985-ci ildən isə incəsənət məktəbi kimi fəaliyyət göstərmişdir. Məktəbdə 104 nəfər müəllim, 420 nəfər şagirdin musiqi təhsili ilə məşğul olur. Məktəbdə 9 ixtisas tədris olunur – Fortepiano, tar, kamança, nağara, saz, qarmon, xanəndəlik, rəqs və rəsmxət şöbələri fəaliyyət göstərir. Məktəb binasının əsaslı təmirə ehtiyacı var.
         Mərkəzləşdirilmiş Kitabxana Sistemi  1982 – ci ildə yaradılmış, sistemdə texniki işçilərlə birlikdə 96 nəfər işçi 25 şəhər, 6 qəsəbə kitabxanalarında, 65 nəfər isə kənd kitabxanalarında işçi çalışır. Hazırda bütün tip kitabxanalarda  425.6 – min ədəd kitab fondu mövcuddur.
     Bu ilin I-ci rübü  ərzində 235 ədəd kitab, 81 ədəd uşaq ədəbiyyatı hədiyyə olunmuşdur. Bu kitablar Mərkəzləşdirilmiş Kitabxana Sisteminə verilmişdir.
      Kənd, qəsəbə kitabxanalarının demək olar ki, əksəriyyətinin əsaslı təmirə eytiyacı var, 37 kənd, qəsəbə  kitabxanalarinin çoxu artıq qəza vəziyyətində olan uyğunlaşmış binalarda yerləşir.
        Mərkəzləşdirilmiş Kitabxana Sistemində fəaliyyət göstərən şöbələr bütün kitabxanaların fəaliyyətini tənzimləyir. Mərkəzləşdirilmiş Kitabxana Sisteminin metodika şöbəsinin metodistləri vaxtaşırı yerlərdə olur və işçilərə metodik köməklik göstərir. Bütün bu işlər əvvəlcədən tutulmuş qrafiq əsasında yerinə yetirilir.
            Mərkəzləşdirilmiş Kitabxana Sistemində  hazırda 9 ədəd kompyuter dəsti işlək vəziyyətdədir.
         Bundan başqa 2 ədəd kompyuter dəsti Uşaq şöbəsində, 2 ədəd kompyuter dəsti Xidmət şöbəsində, 1 ədəd kompyuter dəsti Bayan Almabağı kənd kitabxanasında, 1 ədəd Aşağı Daşkəsən qəsəbə kitabxanasında, 1  ədəd Gurbulaq kənd kitabxanasında və 1 ədəd Xoşbulaq kənd kitabxanasında  işlək vəziyyətdədir.
   Mərkəzləşdirilmiş Kitabxana Sistemində internet saytı açılmışdır. Gələcəkdə kənd kitabxana filiallarının da kompyuterlə təchiz olunmaları nəzərdə tutulmuşdur.
Hər il olduğu kimi bu il də  Respublika  Kitabxana Kollektoru ilə 2016-cı ildə kitab və kitabxana texnikasının alınması üçün  2000 manat təyinat üzrə vəsait köçürülüb.

  Daşkəsən Rayon Mədəniyyət Mərkəzi, kənd, qəsəbə klublarına və mədəniyyət evlərinə metodik mərkəz funksiyasını yerinə yetirir. Mədəniyyət evində  6 nəfər işçi çalışır 39 kənd, qəsəbə klublarında 117 nəfər, 2 kənd mədəniyyət evlərində 11 nəfər işçi çalışır. Daşkəsən rayon Mədəniyyət evi 2006 – cı ildə əsaslı təmir edilmişdir.
        Mədəni-maarif müəssisələrinin musiqi alətlərinə ehtiyacı vardır. Kitabxana, klub və mədəniyyət evləri işçilərinin  əmək intizamına nəzarət ilə yanaşı aylıq seminar – müşavirələri keçirilir, müəssisələr işlərini illik və aylıq iş planı əsasında görürlər. 2016 – cı ilin I rübü ərzində müxtəlif mövzularda tematik gecələr, ədəbi – bədii gecələr, yubleylər, söhbətlər, mühazirələr, oxucu konfransları, bayram konsertləri, sual – cavab gecələri, fotostendlər, sərgilər, fotomantajlar və s. təşkil olunmuşdur.
        Mədəniyyət və Turizm şöbəsinin nəzdində olan mədəni – maarif müəssisələrində bir çox əlamətdar günlər, konsertlər və tədbirlər keçirilmişdir. Belə ki, 01 yanvar 2016 – cı il tarixdən rayon Mədəniyyət mərkəzində, kənd klublarında və kitabxanalarinda “Dünya Azərbaycanlılarının həmrəylik günü və Yeni il” şənliyi münasibəti ilə şənliklər və bayram konsertləri keçirilmişdir.
         2016 – cı ilin I rübü ərzində 20 yanvar “Qanlı Yanvar” hadisələrinin 26 – cı il dönümü, 02 fevral “Gənclər günü, 26 fevral Xocalı faciəsi, 8 mart Beynalxalq qadınlar günü münasibəti ilə tədbirlər keçirilmişdir, 17 mart “Novruz” bayramına həsr olunmuş  konsert, 17 mart tarixində  “N” saylı hərbi hissənin əsgərləri qarşısında geniş proqramla konsertlər keçirilmiş və bayram hədiyyələri verilmişdir, 31 Mart azərbaycanlıların soyqırımı günü ilə əlaqədar olaraq dəyirmi masada söhbətlər aparılmışdır.
         Mədəniyyət və Turizm şöbəsində calışan işçilərin böyük əksəriyyəti demək olar ki, 95%-i ümumi orta təhsillidir. Kadr çatışmamazlığına  görə şöbə böyük problemlərlə üzləşir. Bu məqsədlə  2016 – cı ilin I rübü  ərzində  4 nəfər Respublika Mədəniyyət  Müəssisələri İşçilərin Hazırlıq və İxtisasartırma Mərkəzində iştirak etmişdir.