Sakinlərin müraciəti əsasında Şahkərəm, Əhmədli və Pirverdilər kəndlərinin avtomobil yollarında təmir işləri aparılıb
22 iyul 2026 | 17:38
Daşkəsən Rayon İcra Hakimiyyətinin başçısı Orxan Abbasovun keçirdiyi səyyar qəbullar zamanı Şahkərəm, Əhmədli və Pirverdilər kəndlərinin sakinləri son vaxtlar yağan intensiv leysan yağışları nəticəsində kənd daxili yolların bəzi hissələrinin yararsız vəziyyətə düşdüyünü bildirərək problemin aradan qaldırılmasını xahiş ediblər.
Vətəndaşların müraciəti operativ şəkildə araşdırılıb və aidiyyəti üzrə zəruri tədbirlər görülüb. Daxili imkanlar hesabına xüsusi texnikalar cəlb edilməklə suötürücü qurğularda bərpa-təmir işləri həyata keçirilib, yol yataqları hamarlanıb və qum-çınqıl örtüyü salınıb. Görülən işlərin nəticəsində yolların təhlükəsiz və rahat istismarı təmin edilib, yaranmış çətinlik aradan qaldırılıb.
Keçidlər
