Daşkəsəndə “Konstitusiya və Suverenlik İli” çərçivəsində növbəti ağacəkmə aksiyaları təşkil olunub

Aprelin 2-də Daşkəsən Rayon İcra Hakimiyyəti tərəfindən “Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı Tədbirlər Planı”na əsasən Dəstəfur və Əhmədli kəndlərində növbəti ağacəkmə aksiyaları keçirilib. Tədbirlərdə Daşkəsən Rayon İcra Hakimiyyətinin başçısı Orxan Abbasov, məsul şəxslər, kənd sakinləri, gənc könüllülər və ictimaiyyət fəalları iştirak ediblər.

Aksiyalar zamanı Daşkəsənin iqlim şəraitinə uyğun çoxsaylı meyvə və meşəcinsli ağaclar əkilib. Əkilən ağacların mühafizəsi və uzunmüddətli yaşaması üçün aqrotexniki qaydalara ciddi riayət olunub.

İcra başçısı Orxan Abbasov deyib ki, Daşkəsən rayonunda keçirilən çoxsaylı ekoloji aksiyalar Prezident cənab İlham Əliyevin ölkəmizdə ətraf mühitin qorunması sahəsində uğurla reallaşdırdığı genişmiqyaslı tədbirlərə dəstək məqsədi daşıyır. “Konstitusiya və Suverenlik İli” çərçivəsində ekoloji yönümlü tədbirlərin keçirilməsi vətəndaşların ətraf mühitə olan qayğısını artırmaqla yanaşı, ekoloji təhlükəsizliyə töhfə verir. Xüsusilə gənclər üçün bu cür aksiyalar ekoloji şüurun formalaşması və təbiətə qayğı mədəniyyətinin artırılması baxımından mühüm əhəmiyyət kəsb edir.

Aksiya iştirakçıları da belə tədbirlərin təbiətin mühafizəsinə və gələcək nəsillər üçün sağlam ekoloji mühitin yaradılmasına xidmət göstərdiyini bildiriblər. 

Qeyd edək ki, ağacəkmə aksiyaları rayonun müxtəlif ərazilərində, xüsuslilə yaşıllıq sahələrinin artırılmasına ehtiyac duyulan yerlərdə həyata keçirilir.