Şriftin ölçüsü :

Saytın rəngi :

İcra Hakimiyyəti
Qaynar xətt: (+994 22) 215-51-59, 215-54-51

Daşkəsən rayonunda 5 Mart – Bədən Tərbiyəsi və İdman Günü qeyd olunub

05 mart 2025 | 14:08

Martın 5-də Daşkəsən Rayon İcra Hakimiyyətinin Daşkəsən rayonu üzrə Gənclər və İdman Sektoru ilə birgə təşkil etdikləri bayram tədbirində Daşkəsən RİH-nin məsul əməkdaşı Elmar Əliyev, Daşkəsən rayonu üzrə Gənclər və İdman Sektorunun müdiri Samir Həsənov, bir qrup məşqçi-müəllim, rayonun idman xadimləri və idmançılar iştirak ediblər.

Əvvəlcə Ulu Öndər Heydər Əliyevin və ölkəmizin ərazi bütövlüyü, suverenliyi uğrunda həlak olmuş şəhidlərimizin əziz xatirəsi bir dəqiqəlik sükutla anılıb.

Tədbiri giriş nitqi ilə açan Elmar Əliyev 5 mart – Bədən Tərbiyəsi və İdman Günü münasibətilə Daşkəsən Rayon İcra Hakimiyyətinin başçısı Orxan Abbasovun təbriklərini çatdırıb və rayonun idman ictimaiyyətinə yeni nailiyyətlər arzulayıb.

Çıxışlarda qeyd olunub ki, Prezident cənab İlham Əliyevin 2005-ci il 4 mart tarixli Sərəncamına əsasən hər ilin bu günü Bədən Tərbiyəsi və İdman Günü kimi qeyd edilir. Ölkəmizdə Bədən Tərbiyəsi və İdman Gününün martın 5-də qeyd olunması isə təsadüfi deyil. Məhz 1995-ci il martın 5-də Ulu Öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib, bədən tərbiyəsi və idmanın inkişafında yeni strategiyanın təməlini qoyub. Ulu Öndərin siyasi varisi Prezident cənab İlham Əliyevin rəhbərliyi ilə bədən tərbiyəsi və idmanın inkişafı sahəsində ardıcıl olaraq görülən tədbirlər nəticəsində indi Azərbaycan həm də güclü idman ölkəsi kimi dünyada tanınır. İdman yarışlarının təşkilində böyük təcrübəyə malik olan Azərbaycanda hər il beynəlxalq və yerli turnirlər keçirilir. Nəinki paytaxt Bakıda, demək olar ki, ölkəmizin bütün bölgələrində, o cümlədən Daşkəsən rayonunda müasir idman kompleksləri fəaliyyət göstərir. Elə bunun nəticəsidir ki, idmançılarımızın dünya çempionatlarında, Olimpiya oyunlarında uğurları getdikcə artmaqdadır. Daşkəsən rayon idmançıları da yaradılmış şəraitdən maksimum bəhrələnərək idmanın müxtəlif növləri üzrə hər il yüksək nailiyyətlər əldə edirlər.

Məşqçi-müəllimlər və idmançılar yaradılan şəraitə, hər zaman göstərilən yüksək diqqət və qayğıya görə Prezident cənab İlham Əliyevə minnətdarlıqlarını bildiriblər, rayonun idman şərəfini bundan sonra da ləyaqətlə qoruyacaqlarına söz veriblər. 

Tədbirin sonunda idman  sahəsində uğur qazanmış bir qrup məşqçi-müəllim və idmançılara Gəncə-Daşkəsən Regional Gənclər və İdman İdarəsinin Fəxri Fərmanları təqdim olunub.

Keçidlər