Daşkəsən Rayon İcra Hakimiyyətinin başçısı Orxan Abbasov 04.03.2026-cı il tarixdə Dəstəfur kəndində vətəndaşların növbəti səyyar qəbulunu keçirib

Martın 4-də Daşkəsən Rayon İcra Hakimiyyətinin başçısı Orxan Abbasovun təsdiq olunmuş qrafikə uyğun olaraq Dəstəfur kəndində keçirdiyi vətəndaşların səyyar qəbulunda rayonun hüquq-mühafizə orqanlarının, idarə, müəssisə, təşkilat və xidmət sahələrinin rəhbərləri, ərazi icra nümayəndəsi və sakinlər iştirak ediblər.

İcra başçısı Orxan Abbasov giriş nitqində bildirib ki, Prezident cənab İlham Əliyevin müəyyən etdiyi sosial-iqtisadi inkişaf strategiyasına uyğun olaraq Daşkəsən rayonunda da bütün yaşayış məntəqələrində aparılan abadlıq, infrastruktur və sosial layihələr sakinlərin rifahının yüksəldilməsinə xidmət göstərir. Vətəndaşlarla yerlərdə səyyar qəbulların keçirilməsinin əsas məqsədi onların müraciətlərini özlərindən dinləmək, mövcud məsələləri operativ şəkildə araşdırmaq və qanunvericilik çərçivəsində həllini təmin etməkdir.

Sonra sakinlərin müraciət və təklifləri dinlənilib. İcra başçısı Orxan Abbasov səsləndirilən müraciətlərə dair aidiyyəti qurumlara tapşırıq və tövsiyələrini verib. Müraciətlərin bir qisminin icrası yerində təmin edilib, əlavə araşdırma tələb edən müraciətlər isə nəzarət qaydasında qeydiyyata götürülüb.

Qəbulda iştirak edən Dəstəfur kənd sakinləri onlara hər zaman göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər.