AZƏRBAYCAN RESPUBLİKASI
DAŞKƏSƏN RAYON
İCRA HAKİMİYYƏTİ

       Təhsil şöbəsinin tabeliyində 43 ümumtəhsil məktəbi fəaliyyət göstərir ki, onlardan 26-ı tam orta məktəb, 14-ü ümumi orta məktəb və 3-ü isə ibtidai məktəbdir. Bu məktəblərdə 3328 şagird təhsil alır ki, onların təlim-tərbiyəsi ilə 713 müəllim məşğul olur.
      Rayon ərazisində 12 uşaq bağçası, 1 Uşaq-Gənclər İdman Şahmat məktəbi, 1 Uşaq Yaradıcılığı Mərkəzi, 1 Uşaq-Gənclər İdman Məktəbi və 1 Gənc Texniklər mərkəzi fəaliyyət göstərir.
      2003-cü ildən ötən dövr ərzində rayonda 14 yeni məktəb binası tikilmişdir. 1 məktəbdə 6 əlavə sinif otağı və 1 akt zalı tikilmiş, 22 məktəb binası, 6 uşaq bağçası əsaslı təmir edilmişdir. Son beş ildə isə 6 yeni məktəb binasının tikintisi, 5 məktəbin və 2 uşaq bağçasının əsaslı təmir işləri aparılmışdır.
      2014-2015-ci tədris ilində tam orta məktəbi bitirmiş məzunlardan 101 nəfər abituriyent ali və orta-ixtisas məktəblərinə imtahan vermiş, onlardan  49 nəfəri respublikasının nüfuzlu ali və orta-ixtisas məktəblərinə qəbul olmuşlar.