AZƏRBAYCAN RESPUBLİKASI
DAŞKƏSƏN RAYON
İCRA HAKİMİYYƏTİ

Rayon icra hakimiyyətinin başçısı Abıyev Əhəd Mikayıl oğlu 23 fevral 2011-ci il tarixdən işləyir.

Rayonun ərazisi 1,05 min kv. km-dir.

Rayonda 1 şəhər, 5 qəsəbə və 43 kənd vardır.

Əhalisi 35 166  nəfər, ondan 11 093 nəfəri Daşkəsən şəhər əhalisidir.

Azərbaycan  Respublikasının  Prezidenti  cənab  İlham  Əliyev  31.10.06 və 17.10.14-cü il tarixlərdə (2 dəfə) Daşkəsən rayonuna səfər etmişdir.
Azərbaycan Respublikası Prezidentinin Sərəncamları:
- 02.04.12-ci il tarixli - uzunluğu 21,3 km, əhalisi 13 min nəfər olan, 13 kəndi birləşdirən Zağalı-Kollu-Çıraqlı avtomobil yolunun tikintisi məqsədi ilə Prezidentin Ehtiyat Fondundan Rayon İcra Hakimiyyətinə ilkin olaraq 3,0 mln manat ayrılmışdır;
- 10.01.13-cü il tarixli, 20.10.14-cü il tarixli - rayonun sosial-iqtisadi inkişafının sürətləndirilməsi məqsədi ilə Prezidentin Ehtiyat  Fondundan RİH-ə ümumilikdə 4,0 mln manat ayrılmışdır.
- 24.10.2018-ci il tarixli - uzunluğu 25 km, əhalisi 3 min nəfər olan, 9 yaşayış məntəqəsini birləşdirən Daşkəsən–Əmirvar–Qabaqtəpə avtomobil yolunun tikintisi məqsədi ilə Azərbaycan Respublikasının 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 13,3 mln manatı Azərbaycan Avtomobil Yolları Dövlət Agentliyinə ayrılmışdır.
- 04.04.2019-cu il tarixli - uzunluğu 20 km, əhalisi 3 min nəfər olan, 6 yaşayış məntəqəsini birləşdirən Gəncə–Daşkəsən (27km)–Quşçu–Çovdar–Çaykənd avtomobil yolunun tikintisi məqsədilə Azərbaycan Respublikasının 2019-cu il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin  8,5 mln  manatı Azərbaycan Avtomobil Yolları Dövlət Agentliyinə ayrılmışdır.

Sosial-iqtisadi göstəricilər:
- 2003-cü ilə nisbətdə 2018-ci ildə məhsul buraxılışı 16,3 dəfə, sənaye 287,9 dəfə, kənd təsərrüfatı 4,2 dəfə, əsas kapitala yönəldilmiş vəsait 308,2 dəfə, ondan tikinti-quraşdırma işləri 451,5 dəfə artmışdır;
- 2007-2018-ci illər ərzində fermerlərə 715,5 min  manat yardım edilmişdir;
- 2002-2019-cu ilin 6 ayı ərzində SİF vasitəsi ilə 278 sahibkara 4,5 mln manat kredit verilmişdir. Bu kreditlər hesabına  677  yeni iş yeri yaradılmışdır.
- 2003-2018-ci illər ərzində 4418 daimi olmaqla 6349 yeni iş yeri açılmışdır;
- Cari ildə ödənişli əsaslarla 220 müvəqqəti (müddətli müqavilə ilə) iş yeri yaradılmışdır;
- Heydər Əliyev Mərkəzi və Bayraq meydanı yaradılmış, 80 çarpayılıq Mərkəzi Rayon Xəstəxanası, əlil və şəhid ailələri üçün ümumilikdə 32 mənzilli 2, qəzalı vəziyyətində olan çoxmənzilli yaşayış binalarının sakinləri üçün 48 mənzilli 3 yaşayış binası, Rayon İcra Hakimiyyəti üçün yeni inzibati bina, Statistika və Kənd Təsərrüfatı idarələrinin inzibati binaları, Gənclərin Təlim və İstirahət Mərkəzi, Avtovağzal Kompleksi tikilmiş, Mərkəzi Kitabxana, ümumi uzunluğu 47,4 km olan Gəncə-Daşkəsən-Xoşbulaq avtomobil yolu, 2 dəmir yolu körpüsü əsaslı təmir edilmiş, asfalt və Çovdar qızıl zavodları və tutumu 1000 ton olan soyuducu anbar kompleksi istifadəyə verilmişdir. Heydər Əliyev prospektinə, Heydər Əliyev meydanına və bəzi küçələrə yeni asfalt örtüyü salınmış, bir sıra təhsil, səhiyyə və mədəniyyət müəssisələrində cari təmir işləri aparılmışdır. Quşçu qəsəbəsində qəzalı vəziyyətdə olan binanın sakinlərinin köçürülməsi üçün 16 mənzilli yaşayış binasının, Qabaqtəpə-Astaf avtomobil yolunda 2 ədəd körpünün tikinti  işləri, yeni 35/6 kv-luq şəhər yarımstansiyasının, Alunitdağ qəsəbəsində 35/6 kv-luq elektrik yarımstansiyasının tikintisi başa çatmış 15 ədəd anker quraşdırılmaqla 2 km iki dövrəli xətt çəkilmiş və yarımstansiya istifadəyə verilmişdir.
- Yaşayış məntəqələri 20,4 %, ev təsərrüfatları 62,4 % qazlaşdırılmış, cari ildə 3 məntəqədə işlər tamamlandıqdan sonra qazlaşma müvafiq olaraq 26,5 %-ə və 65,9 %-ə çatacaqdır;
- 2015-ci ilin may ayının 15-də Azərbaycan Hökuməti ilə İslam İnkişaf Bankı tərəfindən maliyyələşən “Daşkəsən şəhərinin su və kanalizasiya sistemlərinin yenidən qurulması” işlərinə başlanılmışdır. Hazırda həmin layihə üzrə son tamamlama işləri yerinə yetirilir. Sukanal sahəsinin yeni inzibati binasının tikintisi işləri  davam etdirilir.
- Daşkəsən şəhəri üzrə 0,4 kv-luq hava EVX-lərinin SİP kabellə əvəz olunmasına başlanmış, rayon ərazisində müasir tipli 6/0,4 kv-luq trasformator məntəqələrinin tikinti  işləri davam etdirilir.
- Daşkəsən rayonunda 8 yaşayış məntəqəsinin elektrik təsərrüfatı yenidən qurulmuş, Daşkəsən şəhəri də daxil olmaqla 18 yaşayış mənqətəsində elektrik təsərrüfatının yenidən qurulması işləri davam etdirilir;
Daşkəsən-Əmirvar-Qabaqtəpə avtomobil yolunda son tamamlama işləri görülür.
Quşçu-Çovdar-Çaykənd avtomobil yolunun tikintisi işlərinə başlanılmışdır.
Əmək və Əhalinin Sosial Müdafiəsi Nazirliyinin sifarişi əsasında  Daşkəsən şəhərində, Daşkəsən qəsəbəsində, Qabaqtəpə və Dəvrallı kəndlərində   Qarabağ müharibəsi əlilləri və şəhid ailələri üçün 4 fərdi yaşayış evlərinin  tikintisi başa çatdırılmışdır.
Fövqəladə Hallar Nazirliyinin xətti ilə Alunitdağ və Yuxarı Daşkəsən qəsəbələrində, Quşçu kəndində evləri qəzalı vəziyyətdə olan  vətəndaşlar üçün 3 fərdi yaşayış evinin tikintisində son tamamlama işləri görülür.
- 2003-2018-ci illərdə 29 ümumi təhsil müəssisəsində təmir-tikinti işləri aparılmış, o cümlədən 19 məktəb inşa, 10-u əsaslı təmir edilmiş və 2 modul tipli məktəbin quraşdırılması nəzərdə tutulmuşdur.

Problemlər:
- Daşkəsən rayonunun 49 yaşayış məntəqəsindən cəmi 10 yaşayış məntəqəsi qazlaşdırılmışdır.  Rayonun digər yaşayış məntəqələrinin də qazlaşdırılması vacibdir;
- Rayon ərazisində olan 40 ümumtəhsil məktəbindən 18-i uyğunlaşdırılmış binalarda yerləşir. 18 məktəbdən 1-i üçün yeni binanın inşasına, 17 məktəbin əsaslı təmirinə ehtiyac vardır;
- 23 kənddə tibb məntəqəsinin, 1 kənddə həkim məntəqəsinin tikilməsinə ehtiyac vardır;
- Rayonun kəndlərində mədəniyyət obyektlərinin tikintisinə və əsaslı təmirinə ehtiyac vardır.
- Rayonun 35 yaşayış məntəqəsi arasında avtomobil yollarının təmirsiz olması səbəbindən əhalinin gediş-gəlişi və nəqliyyatın hərəkəti üzrə çətinliklər mövcuddur.
- Rayon ərazisində müasir tələblərə cavab verən məişət tullantıxanalarının tikintisinə, tullantıların daşınması və çeşidlənməsi üçün müasir maşın və mexanizmlərin alınmasına ehtiyac vardır.
- Rayon ərazisində mənzil şəraitinin yaxşılaşdırmağa ehtiyacı olan vətəndaşların müxtəlif kateqoriyaları üzrə mənzil tikintisinin aparılmasına ehtiyac vardır. Daşkəsən şəhərində 2 ədəd 32 mənzilli ,1 ədəd 40 mənzilli, 2 ədəd 16 mənzilli yaşayış binalarının inşası, rayon ərazisində əlillər və şəhid ailələri üçün fərdi evlərin tikintisi vacibdir.
- Daşkəsən şəhər stadionunun yenidən qurulmasına və əsaslı təmirinə ehtiyac vardır.
- Dağlıq ərazidə və uzaq məsafələrdə yerləşən bütün yaşayış məntəqələrinin əhalisi pensiya və müavinətlərini rayon mərkəzində quraşdırılmış bankomatlardan almaq məcburiyyətində qalır. Rayonun Quşçu və Xoşbulaq kəndləri ərazisində bankomatların quraşdırılmasına ehtiyac vardır.