Daşkəsənli Vətən müharibəsi şəhidləri Orxan Şıxıyevin doğum günü və Eşqin Bağırovun anım günü qeyd edilib
Sentyabrın 29-da Vətən müharibəsi şəhidləri əsgər Şıxıyev Orxan Raqif oğlunun 34-cü doğum günü Daşkəsən rayon Şəhidlər xiyabanında və kiçik çavuş Bağırov Eşqin Rafiq oğlunun anım günü isə Daşkəsən rayon Xoşbulaq kəndindəki qəbiristanlıqda məzarları başında qeyd olunub.
Mərasimdə Daşkəsən Rayon İcra Hakimiyyətinin məsul işçiləri, rayonun hüquq mühafizə orqanlarının rəhbərləri, şəhidlərin yaxınları, şəhid valideynləri, qazilər, rayon sakinləri və ictimaiyyət nümayəndələri iştirak ediblər.
Əvvəlcə Vətən uğrunda canlarından keçən şəhidlərimizin ruhuna dualar oxunub, şəhidlərin məzarlarına gül dəstələri düzülüb, xatirələri anılıb.
Daşkəsən RİHB-nin müavini Namiq Süleymanov Daşkəsən rayon ictimaiyyəti adından şəhidlərin ailələrinə bir daha dərin hüznlə başsağlığı verib, şəhidlərin şərəfli həyatından və döyüş yolundan söz açıb.
Şəhidlərin valideynləri ailələrinə göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər.
