Daşkəsəndə Ulu Öndər Heydər Əliyevin 100 illik yubileyinə həsr edilmiş “Sönməz günəş” adlı tədbir keçirilib

Avqustun 4-də Daşkəsən rayon Heydər Əliyev Mərkəzində Rayon İcra Hakimiyyətinin dəstəyi və Uşaq Səfirlər Məclisinin Daşkəsən rayonu üzrə nümayəndəsi Nərmin Məmmədzadənin təşəbbüsü ilə Ulu Öndər Heydər Əliyevin 100 illik yubileyinə həsr edilmiş  “Sönməz günəş” adlı tədbir keçirilib.

Azərbaycan Respublikasının Dövlət Himni səsləndirildikdən sonra Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla anılıb.

Tədbirdə Daşkəsən Rayon İcra Hakimiyyəti Başçısı Aparatının Yetkinlik yaşına çatmayanların işləri və hüquqlarının müdafiəsi üzrə komissiyasın məsul katibi İlahə Xıdırova, Heydər Əliyev Mərkəzinin əməkdaşları və  5-11-ci sinif şagirdləri iştirak ediblər.

Tədbir iştirakçılarını salamlayan İlahə Xıdırova əsası Ümummilli Lider Heydər Əliyev tərəfindən qoyulmuş dövlət uşaq siyasətinin bu gündə cənab Prezident  İlham Əliyev tərəfindən necə uğurla davam etdirilməsindən, həmçinin  ölkəmizdə uşaq hüquqlarının qorunması sahəsində həyata keçirilən genişmiqyaslı layihələrindən bəhs edib.

Uşaq Səfirlər Məclisinin Daşkəsən rayonu üzrə nümayəndəsi Nərmin Məmmədzadə hazırladığı layihə haqqında iştirakçılara  məlumat verdikdən sonra mövzuya həsr edilmiş film nümayiş olunub.

Tədbirdə Ulu Öndər Heydər Əliyevin həyat və fəaliyyəti mövzusunda viktorina keçirilmiş, geniş müzakirələr aparılmışdır.

Sonda xüsusi aktivlik göstərən iştirakçılar sertifikatlarla təltif olunmuşdur.