DAŞKƏSƏNDƏ "HEYDƏR ƏLİYEV İLİ"NƏ HƏSR OLUNMUŞ YUNAN-ROMA GÜLƏŞİ ÜZRƏ RAYON BİRİNCİLİYİ KEÇİRİLİB

Aprelin 20-də Daşkəsən Rayon İcra Hakimiyyəti və Daşkəsən rayon Gənclər və İdman İdarəsinin birgə təşkilatçılığı ilə rayon uşaq, gənclər idman, şahmat məktəbində Daşkəsən rayonunda  "Heydər Əliyev İli"nə həsr olunmuş yunan-Roma güləşi üzrə yeniyetmələr arasında rayon birinciliyi keçirilib.

Əvvəlcə Ulu Öndər Heydər Əliyevin və şəhidlərimizin əziz xatirəsi anılıb.

Açılış mərasimində çıxış edən rayon Gənclər və İdman İdarəsinin rəisi Samir Həsənov Azərbaycan Respublikasının Prezidenti cənab İlham Əliyevin Sərəncamı ilə 2023-cü ilin ölkəmizdə “Heydər Əliyev İli” elan edildiyini, bu münasibətlə respublikanın hər yerində olduğu kimi Daşkəsən rayonunda da silsilə tədbirlərin keçirildiyini bildirib. Ulu Öndərin idmana qayğısından söz açan Samir Həsənov ölkəmizdə idman siyasətinin təməlinin və inkişafının Ümummilli Lider Heydər Əliyevin adı ilə bağlı olduğunu diqqətə çatdırıb. Vurğulayıb ki, Ulu Öndərimizin milli maraqlara əsaslanmaqla həyata keçirdiyi çoxşaxəli siyasi strategiya hazırda Prezidentimiz cənab İlham Əliyev tərəfindən böyük uğurla davam etdirilir.

Sonra yarışa start verilib. Gərgin mübarizə şəraitində keçən yarışda 15 çəki dərəcəsində ümumilikdə 67 nəfər iştirak edib. I, II, III yerləri tutmuş idmançılar rayon Gənclər və İdman İdarəsi tərəfindən diplomlarla təltif olunub.

Elmar Əliyev – Vüqarlı

Daşkəsən RİHBA-nın İctimai-siyasi və

humanitar məsələlər şöbəsinin müdir müavini