Daşkəsəndə “Heydər Əliyev İli” çərçivəsində voleybol üzrə yeniyetmə və gənclər arasında rayon birinciliyi keçirilib

11-13 oktyabr tarixlərində Daşkəsən Rayon İcra Hakimiyyətinin, rayon Gənclər və İdman Sektorunun, rayon Təhsil Sektorunun və Uşaq, Gənclər İdman, Şahmat məktəbinin birgə təşkilatçılığı ilə "Heydər Əliyev İli" çərçivəsində ümumtəhsil məktəblərinin komandaları arasında  rayon üzrə voleybol birinciliyi keçirilib.

Gərgin mübarizə şəraitində keçən turnirdə qızlardan ibarət 3 komanda, oğlanlardan ibarət 10 komanda iştirak edib.

Daşkəsən şəhər S.Vurğun adına 4 nömrəli tam orta məktəbin idman zalında keçirilən yarışın məqsədi xalqımızın Ümummilli Lideri Heydər Əliyevin zəngin və çoxşaxəli irsinin gənc nəsil arasında təbliği, habelə rayonda voleybol idman növünün inkişaf etdirilməsi, bədən tərbiyəsi və idmanın kütləviliyinin artırılması olub.

Qızlardan ibarət Aşağı Daşkəsən G.İsmayılov adına tam orta məktəbin komandası birinci, Daşkəsən şəhər S.Vurğun adına 4 nömrəli tam orta məktəbin komandası ikinci, Daşkəsən şəhər İ.Nəsimi adına 1 nömrəli tam orta məktəbin komandası üçüncü yerə layiq görülüb.

Oğlanlardan ibarət Daşkəsən şəhər İ.Nəsimi adına 1 nömrəli tam orta məktəbin komandası birinci, Daşkəsən şəhər A.Mürsəlov adına 2 nömrəli tam orta məktəbin komandası ikinci, Daşkəsən şəhər İ.Nəsimi adına 1 nömrəli tam orta məktəbin digər komandası üçüncü yerə layiq görülüb.

Qalib komandalar mükafatlandırılıb.