DAŞKƏSƏNDƏ “HEYDƏR ƏLİYEV İLİ” ÇƏRÇİVƏSİNDƏ MƏKTƏBLİLƏR ARASINDA BİLİK YARIŞI KEÇİRİLİB
Aprelin 14-də Daşkəsən rayon Heydər Əliyev Mərkəzində “Heydər Əliyev İli” çərçivəsində təsdiq olunmuş Tədbirlər Planına əsasən Daşkəsən Rayon İcra Hakimiyyətinin, rayon Heydər Əliyev Mərkəzinin və rayon üzrə Təhsil sektorunun birgə təşkilatçılığı ilə keçirilmiş bilik yarışının əvvəlində Ulu Öndər Heydər Əliyevin və şəhidlərimizin əziz xatirəsi anılıb.
Giriş nitqi ilə çıxış edən Rayon Heydər Əliyev Mərkəzinin direktoru Nailə Məmmədova Ümummilli Liderimiz Heydər Əliyevin Azərbaycan tarixində silinməz izlər qoyduğunu diqqətə çatdırıb. O bildirib ki, istər sovet, istərsə də müstəqillik illərində hakimiyyətdə olduğu dövrlərdə Heydər Əliyev həmişə Azərbaycanın inkişafı üçün çalışıb. Bu gün müasir müstəqil Azərbaycan dünyada nümunəvi ölkə kimi tanınır. Prezidentimiz cənab İlham Əliyev ölkəmizi ən yüksək arenalarda tanıtdırır.
Sonra bilik yarışı başlayıb. 8 komanda olmaqla 40 nəfərin iştirak etdiyi yarış üç turda keçirilib. Hər turda Ulu Öndər Heydər Əliyevin həyat və fəaliyyətinə dair 35 sual səsləndirilib.
Elmar Əliyev – Vüqarlı
Daşkəsən RİHBA-nın İctimai-siyasi və
humanitar məsələlər şöbəsinin müdir müavini
