Daşkəsəndə “Heydər Əliyev İli” çərçivəsində basketbol üzrə yeniyetmə və gənclər arasında rayon birinciliyi keçirilib
21-22 sentyabr tarixlərində Daşkəsən Rayon İcra Hakimiyyətinin, rayon üzrə Gənclər və İdman sektorunun və rayon Təhsil sektorunun birgə təşkilatçılığı ilə “Heydər Əliyev İli” çərçivəsində təsdiq olunmuş Tədbirlər Planına əsasən yeniyetmə və gənclər arasında basketbol üzrə rayon birinciliyi keçirilib. Əvvəlcə Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Yarışın keçirilməsində məqsəd Ümummilli Lider Heydər Əliyevin zəngin dövlətçilik irsinin gənc nəsillərə aşılanması, rayonda basketbol idman növünün kütləviliyinin təmin edilməsi, yeniyetmə və gənclərin yarış təcrübələrinin artırılması və onlar arasında dostluq əlaqələrinin yaradılması olub.
Ümumilikdə 6 komandanın iştirak etdiyi yarış maraqlı alınıb, gərgin və əyləncəli anlarla yadda qalıb.
Sonda qalib komandalar diplomlarla mükafatlandırılıb.
