DAŞKƏSƏN RAYONUNDA ULU ÖNDƏR HEYDƏR ƏLİYEVƏ HƏSR OLUNAN GƏNCLƏR ARASINDA BİLİK YARIŞI KEÇİRİLİB

Mayın 12-də Daşkəsən Rayon İcra Hakimiyyətinin, rayon Mədəniyyət Mərkəzinin və rayon Gənclər və İdman İdarəsinin birgə təşkilatçılığı ilə “Heydər Əliyev İli” çərçivəsində təsdiq olunmuş Tədbirlər Planına uyğun olaraq rayonun Heydər Əliyev Mərkəzində keçirilən bilik yarışının əvvəlində Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Daşkəsən RİHBA-nın məsul işçisi Orxan Abbasov, rayon Mədəniyyət Mərkəzinin direktoru Mətanət Abdullayeva və rayon Gənclər və İdman İdarəsinin rəisi Samir Həsənov çıxışlarında Azərbaycan xalqının Ümummilli Lideri dahi rəhbər Heydər Əliyevin keçdiyi böyük, mənalı və şərəfli həyat yolundan, zəngin dövlətçilik məktəbindən söz açıblar. Vurğulanıb ki, Azərbaycan tarixinin ən şanlı səhifələrini yazmış Ulu Öndər Heydər Əliyevin miras qoyduğu mənəvi irsi xalqımızın tükənməz misilsiz sərvətidir.
Ulu Öndər Heydər Əliyevin həyat və fəaliyyətinə dair 40 sualın səsləndirildiyi və gərgin mübarizə şəraitində keçən bilik yarışında 6 komandadan ibarət olmaqla 24 gənc iştirak edib.
Birinci, ikinci və üçüncü yerləri tutmuş qalib komandalara sertifikat və kuboklar təqdim olunub.

Elmar Əliyev – Vüqarlı
Daşkəsən RİHBA-nın İctimai-siyasi və
humanitar məsələlər şöbəsinin müdir müavini