İdman

Daşkəsən rayon Gənclər və İdman idarəsi 1994-cü ildən fəaliyyət göstərir.
Daşkəsən rayon Xoşbulaq kəndi ərazisində 2014-cü ildə Daşkəsən rayon Gənclərin Təlim və İstirahət Mərkəzinin açılışı olmuşdur. Mərkəzdə gənclər üşün hər cür şərait yaradılmışdır.
Uşaq Gənclər İdman Şahmat Məktəbində Yunan-Roma güləşi, voleybol, stolüstü tennis bölməsi, şahmat bölməsi fəaliyyət göstərir.
Rayon Gənclər və İdman idarəsi Daşkəsən rayon Heydər Əliyev meydanı -2 ünvanda yerləşir. Telefon (022) 215-30-50
E-mail- s.hesenov@hotmail.com

Daşkəsən rayon Gənclər və İdman İdarəsinin
2024-cü ilin I rübü ərzində gördüyü işlərə dair

A R A Y I Ş

Daşkəsən rayonu üzrə gənclər və idman sektoru 2024-cü ilin I rübü ərzində öz işini təsdiq olunmuş iş planına müvafiq olaraq həyata keçirmişdir. İdarə həmçinin Gənclər və İdman Nazirliyinin və rayon İcra Hakimiyyətinin əmr və sərəncamlarını vaxtlı-vaxtında icra etmişdir. Təsdiq olunmuş iş planına müvafiq olaraq hər ay üçün iş planı tərtib olunmuş və sektor işini onun əsasında qurmuşdur.

08 yanvar 2024-cü il tarixdə tərəfindən ötən ilin yekunları və 2024-cü il ərzində görüləcək işlər geniş müzakirə olunmuş, qarşıda duran vəzifələr müəyyənləşdirilmişdir.

Gənclər siyasəti üzrə keçirilən tədbirlər və görüşlər gənclərin maarifləndirilməsinə, hərbi vətənpərvərlik ruhunun artırılmasına, istedadlı və yaradıcı gənclərin aşkar edilməsinə xidmət etmişdir.

            19 yanvar 2024-cü il tarixdə Daşkəsən şəhər S.Vurğun adına 4 nömrəli tam orta məktəbdə 20 Yanvar faciəsinin 34-cü ildönümünə həsr olunmuş anım tədbiri keçirilmişdir.

            26 yanvar 2024-cü il tarixdə Daşkəsən şəhər İ.Nəsimi adına 1 nömrəli tam orta məktəbdə “02 fevral - Azərbaycan Gənclər Günü” münasibətilə “Müasir Azərbaycan Gənci” mövzusunda disput keçirilmişdir.

            01 fevral 2024-cü il tarixdə Daşkəsən şəhər A.Mürsəlov adına 2 nömrəli tam orta məktəbdə “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın müvafiq bəndinin icrası ilə əlaqədar maarifləndirici tədbir keçirilmişdir.

            01 fevral 2024-cü il tarixdə Daşkəsən şəhər A.Mürsəlov adına 2 nömrəli tam orta məktəbdə İlk dəfə səs verəcək gənc seçicilərlə görüş keçirilmişdir.

            24 fevral 2024-cü il tarixdə Daşkəsən şəhər İ.Nəsimi adına 1 nömrəli tam orta məktəbdə Xocalı faciəsinin 32-ci ildönümünə həsr olunmuş “Xocalı harayı” adlı tədbir keçirilmişdir.

            02 mart 2024-cü il tarixdə Daşkəsən şəhər ərazisində “Yaşıl dünya naminə həmrəylik ili” çərçivəsində “5 Mart Bədən Tərbiyəsi və İdman Günü” münasibəti ilə "İdman və Ekologiya" adlı təmizlik aksiyası keçirilimişdir.

            14 mart 2024-cü il tarixdə Daşkəsən şəhər S.Vurğun adına 4 nömrəli tam orta məktəbdə “Erkən nikah məişət zorakılıqlarının başlıca amillərindəndir" mövzusnda maarifləndirici görüş keçirilmişdir.

15 mart 2024-cü il tarixdə Daşkəsən şəhər Heydər Əliyev Prospektində “Yaşıl dünya naminə həmrəylik ili” çərçivəsində ağacəkmə aksiyası keçirilmişdir.

            29 mart 2024-cü il tarixdə Daşkəsən şəhər İ.Nəsimi adına 1 nömrəli tam orta məktəbdə 31 mart Azərbaycanlıların soyqırımı günü ilə əlaqədar “Tarixdə bir gün” adlı esse müsabiqəsi keçirilmişdir.

Sektor xüsusi olaraq təşkilatı məsələləri də diqqət mərkəzində saxlamışdır.

Sektor gənclər siyasətinə dair gördüyü işlərlə yanaşı bir sıra idman tədbirləri də həyata keçirilmişdir.

Belə ki, sektor Respublika yarışlarına hazırlıq məqsədi ilə 15 yanvar 2024-ci il tarixdə məşqçi müəllimlərin iştirakı ilə müşavirə keçirmişdir. Müşavirədə idman növləri üzrə hər bir məşqçi-müəllimə tapşırıqlar verilmiş, rayon idmançılarının yarışlarda idmanın Voleybol, Futbol, Stolüstü tennis, Şahmat, Atletika və Yunan-Roma güləşi üzrə iştirakı dəqiqləşdirilmişdir. Respublika ərazisində keçirilən müxtəlif miqyaslı yarışlarda rayon komandasının iştirak etməsi üçün idmançıların hazırlanması barədəməşqçi- müəllimlərə ciddi tapşırıqlar verilmişdir.

            17-18 yanvar 2024-cü il tarixlərində Daşkəsən rayon Mədəniyyət Mərkəzində "20 Yanvar" şəhidlərinin xatirəsinə həsr olunmuş yeniyetmələr arasında dama üzrə Daşkəsən rayon birinciliyi keçirilimişdir.

21-22 fevral 2024-cü il tarixlərində Daşkəsən şəhər İ.Nəsimi adına 1 nömrəli tam orta məktəbdə Xocalı soyqırımının 32-ci ildönümünə həsr olunmuş ümumtəhsil məktəbliləri arasında şahmat üzrə Daşkəsən rayon birinciliyi keçirilimişdir.

            28 fevral 2024-cü il tarixdə Daşkəsən rayon Uşaq-Gənclər İdman-Şahmat Məktəbində “5 mart - Bədən Tərbiyəsi və İdman Günü” münasibəti ilə “İdman həftəsi” çərçivəsində yeniyetmələr üçün Yunan-Roma güləş üzrə nümunəvi çıxışlar keçirilmişdir.

01 mart 2024-cü il tarixdə Daşkəsən şəhər İ.Nəsimi adına 1 nömrəli tam orta məktəbdə “5 mart - Bədən Tərbiyəsi və İdman Günü” münasibəti ilə “İdman həftəsi” çərçivəsində Daşkəsən şəhər İ.Nəsimi adına 1 №-li tam orta məktəbin 4-cü sinif şagirdləri arasında viktorina keçirilmişdir.

            04-05 mart 2024-cü il tarixlərində Daşkəsən şəhər A.Mürsəlov adına 2 nömrəli tam orta məktəbdə “5 mart - Bədən Tərbiyəsi və İdman Günü” münasibəti ilə “İdman həftəsi” çərçivəsində ümumtəhsil məktəbləri arasında voleybol üzrə Daşkəsən rayon birinciliyi keçirilmişdir.

            18 mart 2024-cü il tarixdə Daşkəsən şəhər Heydər Əliyev meydanında Novruz bayramı münasibətibəti ilə keçirilən ümumrayon tədbirində müxtəlif idman növləri üzrə rayon idmançılarının nümunəv çıxışları təşkil olnmuşdur.

Ümumiyyətlə sektor tərəfindən 2024-ci ilin I rübü ərzində keçirilən tədbirlər aşağıdakı kimi olmuşdur.

Gənclər sahəsi üzrə 9 dəfə gənclərlə müxtəlif görüşlər, tədbirlər keçirilmiş və bu tədbirlərə 438 nəfər yeniyetmə və gənc cəlb olunmuşdur.

İdman sahəsi üzrə 5 idman növü üzrə 6 tədbir keçirilmiş və bu tədbirlərdə 221 nəfər idmançı iştirak etmişdir.

Yuxarıda göstərilənlərdən əlavə olaraq sektor Respublika ərazisində keçirilən tədbirlərdə, yarışlarda rayon gənclərinin və idmançılarının iştirakını təmin etmişdir.
İdarə tərəfindən keçirilən bütün tədbirlər «Daşkəsən» qəzeti vasitəsi ilə daima rayon ictimayətinə çatdırılmışdır.

Müntəzəm idmanla məşğul olanların sayı - 424 nəfərdir.

Bunlardan idman dərəcəli idmançılar - 201 nəfərdir.

Daşkəsən rayonu üzrə gənclər və idman sektoru öz işini bundan sonra da günün tələbləri səviyyəsində quracaq, Azərbaycan Respublikası Gənclər və İdman Nazirliyinin, rayon İcra Hakimiyyətinin göstəriş və təlimatlarına uyğun olaraq davam etdirəcək, əmr və sərəncamlarını layiqincə yerinə yetirəcəkdir.

            Daşkəsən rayonu üzrə gənclər və
            idman sektorunun müdiri:                                                       S.F.Həsənov